Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
He tuku whakamāramatanga te tatauranga mō ngā iwi

Image, 2013 census banner.

View this page in English

Neke atu i te 125,000 ngā tāngata e kī ana he Ngāpuhi rātau, ā, koinei te iwi nui rawa o te motu, e ai ki ngā kōrero tatauranga hou rawa i whakaputaina e Tatauranga Aotearoa i tēnei rā. Ā, 12 ngā iwi he iti ake tō rātau tokomaha i te 500 tāngata.

I ahu mai ēnei kōrero i ngā whakaaturanga ā-iwi o te Tatauranga 2013, e whakaaturia ana hoki ko te maha o ngā tāngata o ngā iwi kei ia rohe kaunihera ā-rohe e noho ana. Ko ngā taupori iwi ko ngā tāngata kāwai Māori e whai whakapapa Māori.

"Nā te tatauranga ka whai aratohu ngā tāngata ki te tohu i tō rātau iwi, engari ka taea anō e te Māori ōna pānga ki ētahi atu o ōna iwi te tuhi. Ko te tikanga ka whakakitea mai ki te Māori me ētahi atu tētahi tirohanga whaitake o te hōrapa o te iwi ki te motu," te kī a te Kaiwhakahaere Tatauranga a Gareth Meech.

Ko te nuinga o ngā tāngata kāwai Māori kotahi tō rātau iwi, ahakoa neke atu i te 9,000 ngā tāngata i kī e rima kē ō rātau pānga iwi.

Nō Waitaha (Te Waipounamu) te nuinga ōwehenga tāngata (89.0 ōrau) he nui atu i te kotahi ō rātau pānga iwi.

Ko te nuinga o ngā tāngata i whai pānga ki tētahi iwi kotahi kei Te Ika-a-Maui e noho ana (85.8 ōrau), engari neke atu i te 70,000 ngā tāngata i whai pānga ki tētahi iwi kotahi kei Te Waipounamu e noho ana i te wā o te Tatauranga 2013. Ko Ngāi Tahu/Kāi Tahu te iwi nui rawa i Te Waipounamu, he 54.7 ōrau (29,766) tōna iwi kei reira e noho ana.

"Ko ngā kōrero o ngā whakaaturanga ā-iwi he whakamārama i te taupori kāwai Māori e noho ana i Aotearoa. He āwhina i ngā iwi kia mārama ake tō rātau mōhio ki a rātau anō me te tautoko i ā rātau whakatau kaupapa," te kī a Meech.

Kei rongo i ngā whakaaturanga kō ngā kōrero mō ngā taupori, reo, mātauranga, moni whiwhi, whare noho, me ngā kāinga. E 99 ngā whakaaturanga takitahi a ngā iwi me ngā whakaaturanga tōpū iwi 13.

Ka kitea e ngā kaipānui ngā meka, ngā ripanga me ngā kauwhata māmā, me ngā hono ki ngā mahere whenua tītaringa iwi.

He rerekē te taupori kāwai Māori ki te taupori mātāwaka Māori, e pā ana tēnei ki ngā pānga ahurea. I roto i te tatauranga, ka taea e ngā tāngata kāwai Māori te tohu i ngā pānga me ngā rohe atu ki te rima e whai pānga rātau.

Ko ngā whakaaturanga iwi takitahi me ngā whakaaturanga tōpū iwi katoa a te Tatauranga 2013 kei tā mātau paetukutuku.

Ka kitea anō ngā raraunga iwi i Tatauranga 2013 Ngā Tauanga Tere mō te Māori tae atu hoki ki ngā ripanga mō te ahurea me te tuakiritanga a Tatauranga Aotearoa.

Ka mutu

Mō ngā pātai a te hunga pāpāho, tae ki ngā uiuinga reo Māori, reo Ingarihi rānei, whakapā ki: Gareth Meech, Kaiwhakahaere Tatauranga, Te Whanganui-a-Tara 04 931 4600, info@stats.govt.nz

Nā Liz MacPherson i whakamana, Kaitatu Kāwanatanga, i whakaputaina i 19 Here-turi-kōkā 2014

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+