Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
He rōnaki te tipu haere tonu o te taupori Māori

Image, 2013 census banner.

 
View this page in English

Kei te tipu te taupori Māori, he āhua pūhou tonu ahakoa kei te pakeke haere, he pai ake ngā putanga mātauranga i ērā o te tatauranga o mua, i te whitu tau o mua, te kī a Tatauranga Aotearoa i tēnei rā.

E noho ana e 598,605 ngā tāngata he matawaka Māori tō rātou i Aotearoa i te pō tatauranga i te tau 2013, e 33,276 tāngata (e 5.9 ōrau) te pikinga ake mai i te Tatauranga 2006. Hei whakatairitenga, e 5.3 ōrau te tipu o te taupori tapeke o Aotearoa (e 214,101 ngā tāngata).

“Kotahi tangata i roto i te tokowhitu e noho ana i Aotearoa mō te nuinga o te wā i te tau 2013 nō te rōpū matawaka Māori,” te kī a te Kaitatau Kāwanatanga, a Liz MacPherson.

“He taupori pūhou te Māori, engari hei rōpū kei te paku pakeke haere atu. E 24 tau te tau waenga o te pakeke o te Māori i roto i te Tatauranga 2013 – he pakeke atu mā te tau kotahi pea i tō te tatauranga o mua,” hei tā Liz MacPherson.

Kei te tipu tonu te tokomaha o te Māori kei raro iho i te 15 tau te pakeke. Heoi anō kua paku heke te tokomaha o taua rōpū, hei ōwehenga o te tapeke taupori Māori, mai i te tau 2006. I kitea te pikinga rahi rawa i te taupori Māori mai i 2006 i roto i te rōpū whai mahi 15–64 ō rātou tau (ina koa ko ērā e 30–64 ngā tau), ā, i whāia tēnei i ērā e 65 neke atu rānei ngā tau.

“Kei te whakaatu hoki ngā huanga tatauranga he nui atu ngā Māori kua whiwhi tohu ōkawa i te whare wānanga,” ka kī a MacPherson.

I kī neke atu i te 36,000 ngā Māori he tohu paetahi, teitei ake rānei, tō rātou tohu teitei rawa i te Tatauranga 2013 – ka nui ake i te 50 ōrau te pikinga ake mai i te tau 2006.

Ka taea e paku neke atu i te 1 Māori i roto i te 5 te kōrerorero ngā mea o ia rā i roto i te reo Māori, he hekenga iho o te 4.8 ōrau mai i te tau 2006.

He nui ake ngā mōhiohio kei Tatauranga 2013 Ngā Tauanga Tere mō te Māori e pā ana ki ngā tāngata Māori e noho ana i Aotearoa me ngā āhua i panoni ai te oranga mō taua rōpū matawaka mai i te tau 2006.

E rua ngā momo tatau i te Māori i roto i te Tatauranga o ngā Tāngata Huri Noa i Aotearoa me ō Rātou Whare Noho: mā te matawaka ka tahi, mā te kāwai Māori ka rua. Ka kapi aua inenga e rua i tēnei whakaputanga. He ariā rerekē te matawaka Māori me te kāwai Māori – ka kōrero te matawaka mō te tuakiri ahurea, ka kōrero te kāwai mō te whakapapa.

I whakahiatotia tēnei kaupapa pāpāho mai i ngā kōrero a:

Ko ētahi atu hua Tatauranga 2013 kua whakaputaina i tēnei rā ko ēnei:

 Ka mutu

Mō ngā pātai a te hunga pāpāho, tae ki ngā uiuinga reo Māori, reo Ingarihi rānei, whakapā ki:
Colin Marshall
Kaiwhakamaherehere Matua Pāpāho
Te Whanganui-a-Tara 04 931 4600
Īmēra: info@stats.govt.nz

I whakaputaina i 3 Hakihea 2013

Nā Liz MacPherson i whakamana
Kaitatau Kāwanatanga

 

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+