Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Mātauranga
 
View this page in English

Kua kapi te taupori matawaka Māori 15 neke atu rānei ngā tau i ngā mōhiohio mātauranga.

Ka whai wāhi ki ngā tohu ōkawa ko ngā tohu i whiwhi i te kura tuarua me te mātauranga tuatoru (arā, ngā tohu ahumahi me ngā tohu paetahi, teitei ake rānei).

Kei te ine te whai wāhitanga ako i ērā e haere ana, e ako ana, e whakaurutia ana ki te kura, ki wāhi kē atu rānei.

Kua piki haere te tokomaha o ngā Māori kua whiwhi tohu paetahi, tohu teitei ake rānei

I te tau 2013, i kī ngā Māori e 36,072 ko te tohu paetahi, teitei ake rānei, tō rātou tohu teitei rawa ina whakatairitea ki te 23,070 i te tau 2006 (he pikinga e 56.4 ōrau).

I te tau 2013, i kī 12.3 ōrau o ngā wāhine Māori me te 7.4 ōrau o ngā tāne Māori ko te tohu paetahi, teitei ake rānei, tō rātou tohu teitei rawa. He pikinga tēnei o te 8.4 ōrau mō ngā wāhine me te 5.6 ōrau mō ngā tāne mai i te tau 2006. Mō ērā Māori i kī ko te tohu paetahi, teitei ake rānei, tō rātou tohu teitei rawa i te tau 2013:

  • kua whai tohu paetahi e 75.0 ōrau
  • kua whai tohu tāuru, paerua kairangi hoki 13.2 ōrau
  • kua whai tohu paerua 10.0 ōrau
  • kua whai tohu tākutatanga 1.8 ōrau.

Kua heke haere te tokomaha o ngā Māori kāore anō kia whiwhi tohu ōkawa

  • Kua heke haere te tokomaha o ngā Māori kāore anō kia whiwhi tohu ōkawa Kāore i te hautoru o ngā Māori (e 33.3 ōrau) 15 neke atu rānei ō rātou tau he tohu ōkawa i te tau 2013, he hekenga mai i te 39.9 ōrau i te tau 2006.
  • Ko te tikanga he iti iho te tūponotanga ka whai tohu ōkawa ngā tāne Māori i ngā wāhine Māori. I te tau 2013 kua whai tohu ōkawa e 63.2 ōrau o ngā tāne Māori ina whakatairitea ki te 69.8 ōrau o ngā wāhine Māori.
Te tohu teitei rawa mō ngā Māori 15 neke atu rānei ngā tau
Ngā Tatauranga 2006 me te 2013
Tohu tino teitei rawa Tatauranga 2006 Tatauranga 2013
 Tokomaha Ōrau Tokomaha Ōrau 
Kāore he tohu  130,146  40.0  119,544  33.4
Tiwhikete taumata 1–4  152,238  46.8  179,436  50.2
Tītohu taumata 5–6  19,563  6.0  22,461  6.3
Tohu paetahi, tohu teitei ake rānei  23,067  7.1  36,072  10.1
Tapeke Māori  325,014  ...  357,513  ...
Tohu: … kāore i te hāngai
Pūtake: Tatauranga Aotearoa

Tērā tonu pea ka kaha atu te whai wāhi a te hunga wāhine Māori ki ngā mahi ako i tā te hunga tāne Māori

  • I te tau 2013, e whai wāhi ana 19.6 ōrau o ngā Māori ki ngā akoranga ukiuki, tiriwā hoki/rānei. Kei te whakatairite tēnei ki te 20.1 ōrau i te tau 2006.
  • Mō ngā Māori e whai wāhi ana ki ngā akoranga, e 41.0 ōrau he tāne, e 59.0 ōrau he wāhine.
  • Share this page to Facebook
  • Share this page to Twitter
  • Share this page to Google+

Ka tutuki rānei ō wawata i te mōhiohio o tēnei whārangi?


Top
  • Share this page to Facebook
  • Share this page to Twitter
  • Share this page to Google+