Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Kua puāwai ngā pakihi Māori, he $2 piriona te tipu o ngā rawa

Tatauranga Umanga Māori 2016: Statistics on Māori businesses –Māori authorities – media release 

View this page in English

I tipu ngā rawa a ngā manatū Māori i te tau 2014, he 15.5 ōrau te piki ($2.0 piriona) mai i te tau 2013 kia eke ki te $15 piriona, te kī a Tatauranga Aotearoa i tēnei rā. Koinei te tau tuarua i kaha tipu ai ngā rawa – i te tau 2013 he 13.7 ōrau te piki ($1.6 piriona). 

E whakaatu ana te Tatauranga Umanga Māori 2016: Statistics on Māori businesses, i whakaputaina i tēnei rā, i tētahi tirohanga ki te kaha ōhanga o ngā manatū Māori 1,050. Koinei te rangahau whānui rawa o ngā pakihi Māori i Aotearoa.

“Ko tā ngā pakihi Māori me te whanaketanga ōhanga Māori hei kaikōkiri hira o te ōhanga o Aotearoatipu tonu,” te kī a te kaiwhakahaere Tatauranga Umanga Māori matua a Jason Attewell.

“Ahakoa kei te mau tonu i ngā rawa whenua, matua hoki, he koi ngā kōwhringa haumi kua tutuki i ngā manatū Māori mō te tipuranga anamata.”

Ko te puna matua o te tipuranga o ngā rawa a ngā manatū Māori ko ētahi atu rawa pēnei i te ngākaunui, ngā moko, ngā panga i ngā kamupene whai pānga, āpiti hoki, me ngā puka here, pūtea taurewa hoki.

Hei tā David Taipari, te tiamana o Te Tōnuitanga o Ngā Pānga Māori o Tāmaki Makaurau, “Mārama ana te kitea o te piki haere o te pakihi Māori, ā, he pai tēnei mō te katoa. E ai ki te rautaki taunaki a te Poari ki te whakawhānui i te pakihi Māori i tua atu i te rāngai matua, kei te nui haere ake ngā pakihi ake a ngā Māori i ngā rāngai hanganga me te ao rorohiko hei wāhanga nō te ōhanga Māori ahurei o Tāmaki Makaurau. I te mea ko Tāmaki Makaurau te tāonenui Māori nui rawa o te ao, e tūmanako ana mātou ka piki haere tonu tēnei āhuatanga."  

Tirohia te Tatauranga Umanga Māori 2016: Statistics on Māori businesses mō ētahi atu taipitopito.

Image, Jason Attewell.

Jason Attewell, Te kaiwhakahaere Tatauranga Umanga Māori matua

 Image, David Taipari.

David Taipari, Independent Māori Statutory Board  tiamana (www.imsb.maori.nz)

Kua mutu

Mō ngā uiui pāpāho, whakapā atu ki: Jason Attewell (04) 931 4652, info@stats.govt.nz
Mō etahi atu pātai i te reo Māori, whakapā atu ki: Rhonda Paku (04) 931 4096

He mea whakamana nā Liz MacPherson, Kaitatau Kāwanatanga, 29 Pipiri 2016

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+