Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Kua puta te ihu o ngā pakihi Māori iti ki ngā mākete hokotai 53

Tatauranga Umanga Māori 2016: Statistics on Māori businesses – SMEs – tuku pāpāho

View this page in English

Kua whānui atu te totoro o ngā pakihi Māori iti ake ki ngā whenua maha puta noa i te ao i tā rātau rapu huarahi tipu mō rātau anō, te kī a Tatauranga Aotearoa i tēnei rā.

E titiro ana a Tatauranga Umanga Māori 2016: Statistics on Māori businesses,  i whakaputaina i tēnei rā, ki ngā whakatutukitanga a ngā pakihi Māori 660 iti, wawaenga rānei.

Ahakoa tō rātau rahinga iti, he $44 miriona te tō mai a ngā pakihi Māori iti nei i ngā hokotai i te tau 2015, he 15 ōrau te pikitanga mai i te tau o mua ake.

“I toro atu ā rātau tauhokohoko tōpū ki ngā whenua 53, ā, i tae rā anō ki Piritana Nui me Haina, tae atu hoki ki ngā mākete tawhito pēnei i a Ahitereiria, e hoki ana ngā tauhokohoko ki tai a te Māori ki ngā tau o te 1820,” te kī a te kaiwhakahaere Tatauranga Umanga Māori matua a Jason Attewell (tirohia Te Māori i te ohanga – Māori in the economy – Early trade with Pākehā, Te Ara).

Ko tētahi āhuatanga pea o te momohotanga o te hokotai a te Māori ko te nui o te auahatanga, he 63 ōrau i te tau 2015, ka whakatauritetia ki te 49 ōrau mō ngā pakihi katoa o Aotearoa. Ko ngā umanga auaha e whakamātau ana ki te waihanga i ngā rawa me ngā ratonga pai ake ka haumi ki ngā rangahau me ngā whanaketanga, mākete, me te hoahoa.

I kī a Richard Jones, Huatau Matua mō te Poutama Trust (i mahi tahi, i haumi ki ki ngā SME Māori maha e kōrerohia ana i Tatauranga Umanga Māori 2016), ko "te whānuitanga haere o ngā pakihi Māori mahi kai ki ngā mākete kai o te ao i whakamana i te whakatau a Poutama i te tau 2010 ki te aro pū ki te rāngai kai, otirā ki ngā hokotai tāpiri-wāriu." I kī anō ia he tauira te rōpū auaha pūhou, hihiri, toa kaipakihi hoki e mahi ana i te rāngai miere o te tipu o ngā hokotai SME Māori ki ngā mākete pēnei i Piritana Nui, Uropi, me Āhia.  

Tirohia te Tatauranga Umanga Māori 2016: Statistics on Māori businesses for more details.

Image, Jason Attewell.

Jason Attewell, Te kaiwhakahaere Tatauranga Umanga Māori matua

Image, Richard Jones.

Richard Jones, Āpiha Huatau Matua Poutama Trust (www.poutama.co.nz

Kua mutu

Mō ngā uiui pāpāho, whakapā atu ki: Jason Attewell (04) 931 4652, info@stats.govt.nz
Mō etahi atu pātai i te reo Māori, whakapā atu ki: Rhonda Paku (04) 931 4096

He mea whakamana nā Liz MacPherson, Kaitatau Kāwanatanga, 29 Pipiri 2016

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+