Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
He kotahi piriona tāra te tiputanga mō ngā manatū Māori

View this page in English

I tipu haere tonu te puna rawa o ngā manatū Māori i te tau 2013, he 9.1 ōrau te piki ($1.0 piriona ) mai i te tau 2012 kia eke ki te $12.5 piriona, te kī a Tatauranga Aotearoa i tēnei rā.

He tuku tirohanga a Tatauranga Umanga Māori 2015, he mea whakaputa i tēnei rā, o ngā manatū Māori e 973, arā, ngā pakihi Māori me ngā rawa tōpū.

"He mea nui te whanaketanga o te ōhanga Māori mō te kōkiri i te ao ōhanga kei Aotearoa," hei tā Jason Attewell, te kaiwhakahaere o te wāhanga Tatauranga Umanga Māori. "Ka taea e ngā manatū Māori tō rātau mana ahurea te whakapakari haere mā tētahi puna rawa kaha e whakahaere tōtikatia ana.”

Ko Haina tonu te hoa pātui tauhokohoko tōmua i te tau 2014 – neke atu i te haurua o te tapeke wāriu o ngā hokonga ki tāwāhi a ngā manatū Māori.

Ko te wāriu o ngā rawa a ngā manatū Māori i hokona ki tāwāhi i te tau 2014 he $526 miriona, arā, he pikinga o te $16 miriona (3.1 ōrau) mai i te tau 2013. Ko te kaimoana te rawa matua i hokona ki tāwāhi, arā, neke atu i te haurua o te wāriu o ngā rawa i hokona ki tāwāhi a ngā manatū Māori me te 21 ōrau o te wāriu tapeke o ngā hua kaimoana o Aotearoa i hokona ki tāwāhi i te tau 2014. Ko ngā hua miraka, mīti me te ika anō ngā rawa tiketike i hokona ki tāwāhi a ngā manatū Māori.

"Ko te pikinga o ngā hokonga ki tāwāhi i ahu mai i te whakawhānuitanga o ngā pānga tēnā i ngā tau o mua, ā, me te aha me te whakakaha a ngā manatū i tō rātau hono ki te whenua me te moana," te kī a Mr Attewell. "Kua tuwhera i tēnei momohotanga ngā mākete hou ki whenua kē, i piki mai i ngā whenua 54 ki te 58 i te tau 2014."

Hei pānui i tēnei pūrongo, tirohia te Tatauranga Umanga Māori 2015: Ngā tatauranga hou mō ngā manatū Māori.

Ka mutu

Mo ngā uiui pāpāho, whakapā atu ki a: Jason Attewell, Te Whanganui-a-Tara 04 931 4600, info@stats.govt.nz

He mea whakamana e Liz MacPherson, Te Kaitatau a te Kāwanatanga, 19 Pipiri 2015

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+