Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Ko te wā me te moni ngā tauārai nui o te haere ki te marae – pānui pāpāho

View this page in English

Ko te wā, te tawhiti me te utu ngā take nui e kore ai e tino taetae atu te Māori ki ō rātau marae, e ai ki tētahi pānui whakaahua a Tatauranga Aotearoa i whakaputahia inakuanei. 

E whakaatu ana a Ngā huarahi ki te marae: Te tūhono o te Māori ki tō rātau marae tipuna kei te mōhio te nuinga o te iwi Māori ki tō rātau marae ka mutu kei te hiahia hoki kia nui ake te haere atu ki reira.

"E whakaatu ana te pānui whakahua ko te utu, te tawhiti, te kore whai wā ngā take matua mō te kore taetae atu ki te marae," e ai ki te kaiwhakahaere tatauranga ā-whare a Diane Ramsay. "Koinei ngā take i tino whakahuahia, ahakoa kua tae atu te tangata ki tōna marae, kāore anō rānei.”

E whakaatu anō te pānui whakaahua ko te kore mōhio ki te reo, te ao Māori rānei, me te tauhou hoki ki ēnā āhuatanga ngā tauārai tino nui mō ētahi Māori. Mō te hunga kāore anō i tae atu ki tō rātau marae ko te tikanga e rua whakareanga ake te tūponotanga i tō te hunga kua tae ka kī rātau koinei ngā take kāore anō kia tae atu.

"Ka tuku māramatanga tēnei tūtohi raraunga ki ngā take rerekē he aha te Māori i kore ai e tino taetae atu ki ō rātau marae," te kī a Ms Ramsay. "Ko te tūmanako ka āwhina tēnei i ngā iwi, ngā hapū, me ngā whānau ki te tautoko i te hunga e haere ana ki ō rātau marae."

Whakamahia ai e Ngā huarahi ki te marae: Te tūhono o te Māori ki tō rātau marae tipuna ngā kōrero i kohia i roto i te rangahau Te Kupenga 2013 mō te oranga o te Māori.

E whakanui ana a Tatauranga Aotearoa i te 175 tau mai i te hainatanga o Te Tiriti o Waitangi mā tēnei pānui whakaahua me ētahi atu kōrero mō te Māori me te whenua o Aotearoa.

Tirohia Te Kupenga mō ētahi atu hua.

Ka mutu

Mō ētahi atu kōrero, whakapā atu ki a: Colin Marshall, Te Whanganui-a-Tara 04 931 4600, Īmēra info@stats.govt.nz  

He mea whakamana e Liz MacPherson, Kaitatau Kāwanatanga, i 5 Hui-tanguru 2015.

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+