Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Ko te kaupapa me te whakamārama

View this page in English

Nau mai haere mai ki Taku marae e: Te tūhono ki te marae tipuna 2013.

Hokia ki ngā maunga, kia purea nei koe e ngā hau a Tāwhirimātea

E whakahau ana tēnei whakataukī i te Māori kia tūhono ia ki tōna ake ao kia ū, kia whakapūmautia ana ia ki roto i ngā tikanga Māori. Mā te haere atu me te tūhono atu ki tōna ake marae tipuna tētahi tikanga e taea ai tēnei.

Ko te kaupapa

E whakamahi ana Taku marae e: Te tūhono ki te marae tipuna 2013 i ngā kōrero mai i te rangahau a Te Kupenga 2013 mō te oranga Māori ki te tirotiro ki ngā āhuatanga pāpori, ahurea, ōhanga hoki o te Māori (15 ngā tau, neke atu rānei) e pā ana ki tō rātau tūhono ki te marae tipuna.

Otirā he tirotiro ki ngā āhuatanga o te Māori:

  • e haere ana ki ō rātau ake marae tipuna
  • i tae atu i mua i ngā marama 12 i mua o te rangahau, me te maha o ngā wā i haere atu rātau i roto i taua wā
  • i hiahia haere, i nui ake rānei te haere atu i roto i taua marama 12.

Ko te whakamārama

Ko te nuinga o ngā Māori he mōhio ki tō rātau ake marae tipuna, e tūhono atu mā te haere atu, ā, me te hiahia kia nui ake te haere atu. E whakaatu ana ngā otinga o Te Kupenga neke atu i te haurua (62 ōrau) i tae atu ki tō rātau marae i tētahi wā, ā, tata ki te hautoru (34 ōrau) i tae atu i roto i ngā marama 12 i mua o te whakahaerenga o te rangahau. O ngā Māori i mōhio ki tō rātau marae tipuna, 59 ōrau i hiahia kia nui ake atu te haere, i nui ake rānei te haere atu.

E kaha ana te hono o ētahi atu āhuatanga tuakiri Māori, ahurea hoki ki te tūhono o te Māori ki tētahi marae tipuna. Ko ngā Māori he reo Māori tō rātau reo tuatahi, me te nui ake o te pūmanawa ki te kōrero i te reo, e mōhio katoa ana ki ō rātau pepeha, me tō rātau marae tipuna tō rātau tūrangawaewae, ko te tikanga ka nui ake te haere atu ki tō rātau marae tēnā i ētahi atu. Hei tauira, tata ki te katoa (94 ōrau) o ngā Māori 282,000 he marae tipuna tō rātau hei tūrangawaewae i tae atu ki tētahi o ō rātau marae tipuna i mua, ā, 57 ōrau i tae atu i roto i ngā marama 12 kua pahure.

E kaha ana te hono o te taipakeke ki te tūhono ki te marae tipuna. Ko te tikanga kua tae atu te hunga Māori pakeke atu ki tō rātau marae tipuna tēnā i ngā Māori rangatahi ake, ā, i tae ina tata nei, ka mutu he nui ake ngā wā taetae atu. O te hunga 55 ngā tau, neke atu rānei, 45 ōrau i tae atu ki tō rātau marae tipuna i ngā wā e ono, nui atu rānei i roto i ngā marama 12 kua pahure, tēnā i te 23 ōrau o te hunga 15-24 ngā tau.

He tikanga hira, tōtika hoki mō te tūhono ki tō rātau ao Māori te haere ki tō rātau marae tipuna. He āhuatanga tino nui tonu te marae ki te ahurea me te tuakiri Māori.

  • Share this page to Facebook
  • Share this page to Twitter
  • Share this page to Google+

Ka tutuki rānei ō wawata i te mōhiohio o tēnei whārangi?


Top
  • Share this page to Facebook
  • Share this page to Twitter
  • Share this page to Google+