Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Ko te kaupapa me ngā hua matua

View this page in English

Nau mai, haere mai ki Ka mārō te aho tapu, ka tau te korowai: Ko ngā kitenga reo Māori mai i Te Kupenga 2013.

E whakaritea ana te taitara o tēnei pūrongo i te reo ki te aho tuatahi o te korowai. Mēnā kei te kaha te aho matua, ka matatū tonu te korowai me ngā kāwai kua whiria.

Ko te reo te mauri o te mana Māori.

Ko te kaupapa

E hōpara ana a Ka mārō te aho tapu, ka tau te korowai: Ko ngā kitenga reo Māori mai i Te Kupenga 2013 i ngā āhuatanga e pā ana ki te matataunga o te reo Māori me tōna whakamahinga i roto, i waho hoki o te kāinga i Aotearoa. Otirā, he titiro mēnā kei te kaha te whanaungatanga i waenga i ngā wāhanga matua o te haumitanga ki te whakarauora i te reo Māori – pēnei i te whakamahinga i te kāinga, i te mātauranga reo Māori, me te whānau.

He taonga te reo Māori. I roto i ngā tau 30 kua pahure, kua tino kitea me whai tautoko. Kua whakapau rawa ngā kāwanatanga o ngā tau ki ngā kaupapa mātauranga, hapori, whānau hoki hei whakarauora i tēnei taonga.

Ko tā Te Kupenga he tuku i tēnei whai wāhitanga tuatahi ki te whakaata i ngā kōrero mō te matataunga o te reo Māori e pā ana ki te whakamahinga, mātauranga, me ētahi atu āhuatanga o te ahurea Māori.

Ka tautoko te pūrongo i ngā matapaki onāianei e pā ana ki te rautaki anamata mō te whakarauora i te reo Māori. He whakarato raraunga hei tautoko i ngā whakapono. Engari he tohu i te pūmanawa o Te Kupenga ki te tautoko i tētahi aronga whai taunakitanga ki te whanaketanga Māori.

Ko ngā hua matua

E hāngai ana te tino mōhio ki te reo Māori ki te whakamahinga nui o te reo.

  • Tata ki te 85 ōrau o ngā Māori he pai rawa atu, he pai, he āhua pai rānei te kōrero i te reo Māori he kōrero Māori i ētahi wā i te kāinga. Hāunga te 58 ōrau o rātau he iti noa te reo (kāore i te pai tō rātau reo).
  • Ko ngā Māori he pai rawa atu, he pai, he āhua pai rānei te kōrero i te reo Māori, ko te tikanga ka nui ake te whakamahi i te reo i waho i te kāinga tēnā i roto.

He kaha te whanaungatanga i waenga i te reo Māori me ētahi atu āhuatanga o te ahurea.

  • O ngā Māori 38,000 ko te reo Māori tō rātau reo tuatahi, 52 ōrau he pai rawa atu, he pai rānei tō rātau reo. Hāunga te 7 ōrau o ngā pakeke Māori ko te reo Ingarihi tō rātau reo tuatahi he pai rawa atu, he pai rānei tō rātau reo Māori.
  • 62 ōrau o ngā Māori e mōhio ana ki ngā āhuatanga katoa o tā rātau pepeha i kōrero Māori i ētahi wā i roto i te kāinga. Hāunga te 16 ōrau anake o rātau he iti ake tō rātau mōhio ki tā rātau pepeha he kōrero Māori i ētahi wā i te kāinga.
  • He haurua o ngā Māori 124,000 i kī he mea tino nui te whai wāhi ki tō rātau ao Māori he pai rawa atu, he pai, he āhua pai rānei tō rātau reo Māori.

He pānga tō ngā āhuatanga mātauranga ki te matataunga o te reo Māori.

  • He haurua o ngā Māori 16,500 i urunga ki te kōhanga reo me te kura kaupapa he pai rawa atu, he pai rānei tō rātau reo Māori. Otirā, 92 ōrau he mōhio nui atu i ētahi kupu noa iho, ētahi kīanga rānei.
  • 19 ōrau o ngā Māori whai tohu paetahi, teitei ake rānei he pai rawa atu, he pai rānei ō rātau reo Māori.

He kaha te whanaungatanga i waenga i te whakamahinga o te reo Māori i te kāinga me te whānau.

  • 46 ōrau o ngā Māori whai tamariki i roto i tō rātau kāinga he kōrero Māori i ētahi wā i roto i te kāinga, ā, he 23 ōrau te whakataurite ki a rātau kāore he tamariki i roto i te kāinga.
  • 78 ōrau o rātau kei te rēhita ā rātau tamariki i te kura kaupapa he kōrero Māori i ētahi wā i te itinga rawa i te kāinga, tae atu ki te 35 ōrau he ōrite te kōrerohia ki tētahi atu reo, nui atu rānei.

 

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+