Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Ko ngā kitenga o Te Kupenga i roto i te horopaki whānui ake

View this page in English

E kōrero ana tēnei wāhanga i te pānga o ngā kitenga o te pūrongo ki ngā ia me ngā tauira whānui mō te matataunga kōrero i te reo Māori. Ka āta tirohia te pikitanga o te maha o te Māori ka taea te kōrero i ētahi mea māmā noa i te reo, ā, he mea kōkiri e ngā Māori 15–44 ngā tau.

He nui ake te aronui ki te whai i te ao Māori

Kāore he raraunga whakataurite i roto i Te Kupenga hei whakaatu i ngā rerekētanga i roto i te wā mō ngā ine ahurea Māori. Engari, e ai ki ētahi atu raraunga (whāiti) he pikitanga i roto i te whakaurunga me te whai i te ahurea Māori mai i te tau 2004. E whakaatu ana ngā raraunga o te Tatauranga Whānui i te ōwehenga o ngā pakeke Māori i kī i ahu mai rātau i ngā iwi nui ake i te kotahi, i piki mai i te 75.5 ōrau i te tau 1991 ki te 82.9 ōrau i te tau 2013. Hei tā Kukutai rāua ko Rārere (2013) ko te tikanga pea o tēnei pikitanga he nui ake te hunga kei te whai i te ao Māori.

Otirā, ko te ōwehenga o ngā Māori tamariki ake i kī i ahu mai rātau i ngā iwi nui ake i te kotahi, i nui ake te piki i ngā Māori pakeke ake mai i te tau 2001. Nā te whanaungatanga i waenga i te matataunga reo me te whai wāhi ki te ahurea Māori, ko te pikitanga pea o ngā Māori e taea ana te kōrero mō ngā kaupapa ngāwari anake i te reo Māori he tohu pea i te kauneke nui o te Māori ki te whai i tōna ahurea.

Kauwhata, Ko te ōwehenga o ngā uri Māori he kotahi te iwi, neke atu rānei, mā te rōpū ā-tau

Ko te whai wāhi ki te mātauranga reo Māori

I whakatuwherahia te kōhanga reo tuatahi i te tau 1982. I piki haere tonu te maha o ngā tamariki i haere ki te kōhanga reo i te tekau tau mai i 1980, ā, ka eke ki tōna taumata i te tau 1993; neke atu i te 14,000 ngā tamariki rēhita. I taua wā tata ki te haurua o ngā tamariki Māori i ngā ratonga mātauranga kōhungahunga nō te kōhanga reo. Mai i te tau 2001 i heke te maha o ngā tamariki rēhita ki te 9,500, ā, noho pēnei tonu atu ki te tau 2012. Engari, neke atu i te 60,000 ngā Māori i kuraina i te kōhanga reo mai i tōna tīmatanga, ā, he wāhanga nui tonu tō ēnei kaupapa i roto i te whakarauoratanga o te reo Māori.

I te tau 2009, 6,267 ngā ākonga i te rēhita i te kura kaupapa Māori, he 9.3 ōrau te pkitianga mai i te tau 2002, ā, 5,428 i te rēhita. Ka whakataurite i tēnei pikitanga ki te pikitanga 9.5 ōrau o te katoa o te taupori ākonga Māori i taua wā anō.

Mai i te tau 2004, kei mua ngā wānanga e haere ana i roto i ngā mahi whakaakoranga reo Māori i te taumata kura tuatoru, e aro ana ki ngā akoranga rumaki reo me te whakamahi i te reo Māori i roto i ngā āhuatanga maha. Mai i te tau 2001 me te 2005 he tino maha rawa atu ngā ākonga reo Māori i whai i te mātauranga tuatoru (Earle, 2007). I eke tēnei ki te taumata i te tau 2003, ā, neke atu i te 60,000 i rēhita i taua tau i roto i ngā akoranga reo Māori. Ko te nuinga o ēnei ākonga i rēhita ki ngā tiwhikete taumata 4 i ngā wānanga.

I kitea te tino heke o ngā ākonga kura tuatoru reo Māori mai i te tau 2003 ki te 2006 nā te iti ake o ngā akoranga e whakaratohia ana i roto i ngā wānanga e rua. I pēnei ai nā ngā arotake pūtea o ngā tohu taumata iti ake, ngā rerekētanga whakahaere, me te iti ake o te hiahiatia (Tāhuhu o te Mātauranga, 2013). I te tau 2012 tata ki te 10,000 ngā ākonga i whakauru ki ngā akoranga reo i ngā kaiwhakarato kura tuatoru.

E ai ki a Earle (2007) ko te take matua o te uru ki ngā kura tuatoru ako ai ko te tino whakapiki ake i te maha o te hunga e mārama ana ki te reo. E tautokohia ana tēnei e ngā kitenga a Te Kupenga (Tatauranga Aotearoa, 2014), e whakaatu ana i ngā pikitanga nui o ngā pakeke Māori e mārama ki te reo māmā.

Kāore e taea e ngā akoranga mātauranga kura tuatoru anake te whakatipu i te matataunga ki te kōrero Māori. Me whai anō ngā ākonga i ngā wāhi maha i roto me waho o te kāinga e whakamahia ana, e tautokohia ana te reo.

Kaua rawa ēnei mea katoa e tōhipa i te hiranga o ngā kaikōrero reo tuatahi i roto i te whakarauoratanga o te reo. I kitea e mātau te whanaungatanga kaha i waenga i te reo Māori hei reo tuatahi me te matataunga ki te kōrero pai rawa atu, pai rānei. Kāore i tino rerekē te maha o ngā kaikōrero reo tuatahi (8 ōrau) i roto i ngā tau tekau, ā, he ōrite te maha ki te hunga he pai rawa atu, he pai rānei te reo.

  • Share this page to Facebook
  • Share this page to Twitter
  • Share this page to Google+

Ka tutuki rānei ō wawata i te mōhiohio o tēnei whārangi?


Top
  • Share this page to Facebook
  • Share this page to Twitter
  • Share this page to Google+