Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Mō Aotearoa

View this page in English

Ingoa Māori: Aotearoa

Tāone matua: Te Whanganui-a-Tara

Tāone tino nui: Tāmaki Makaurau

Ngā reo whai mana: Ingarihi, Te Reo Māori, Te Reo Rotarota o Aotearoa

Taupori: 4,471,100 (whakatau tata i Pipiri 2013)

Horahanga: 269,652 kiromita pūrua

Moni: Tāra o Aotearoa

Kāwanatanga: Manapori whai Pāremata me te arikitanga whai kaupapa ā-ture

Ngā matawaka (mai i te Tatauranga 2013)(1)

Kauwhata, Ngā matawaka (mai i te Tatauranga 2013).

1. Kua whakaurua rātou e hono ana ki ngā matawaka maha, ki ngā tapeke mō tēnā taupori matawaka, mō tēnā taupori matawaka, me te aha neke atu i te 100 te tapeke ōrau.

Aotearoa: Ngā paenga ā-rohe me te taupori o ngā tāone nui me ētahi rohe

Atahanga, Ngā paenga ā-rohe me te taupori o ngā tāone nui me ētahi rohe.

Taiao tūturu

E ōrite ana te rahi o Aotearoa ki Te Hononga o Peretānia, ki ngā Piripini rānei. Kāore he wāhi neke atu i te 130km te tawhiti mai i te moana. Nā tōna noho i te Tapa o Te Moananui-a-Kiwa, rū ai te whenua o Aotearoa, he puia anō hoki ōna. He hātai te āhuarangi, engari he āhua pārūrū ngā rangi o Te Tai Tokerau i ngā marama mahana ake (Hakihea ki a Poutūterangi), ā, ka pāngia ngā wāhi ki tuawhenua o Te Wai Pounamu e te hukapuri i te takurua (Pipiri ki a Hereturikōkā). I ngā rā o nehe, karekau he kararehe whāngote tō Aotearoa, engari he maha ngā tipu me ngā manu māori, pārā i te kiwi rerekore.

Māori

I tae mai ngā tīpuna Māori mā runga waka i Te Moananui-a-Kiwa i te takiwā o te tau 1300CE. I tapaina te whenua nei ko Aotearoa. I noho ā-iwi rātou, e kawe ana i ngā pakiwaitara rētō e pā ana ki te whenua, ā, i tino waia ki ngā rau o te patu. I te tau 1840, i hainatia te Tiriti o Waitangi e ngā rangatira Māori 500 me ngā māngai a Kuini Wikitoria, hei whakahaumaru i ngā take whenua me te mana motuhake o te iwi Māori. Kāore i ū ki ngā kī taurangi, me te aha, i ngā tau ina noa nei kua tutuki i te kāwanatanga ētahi whakataunga tiriti ki te taha o ngā iwi maha. I tēnei wā tonu kua tata ki te 600,000 ngā tāngata Māori, me te nuinga e noho ana ki ngā tāone nui. I ēnei tau tekau kua hipa kua hīkina anō te reo Māori, ngā momo toi, me ngā tikanga Māori.

Hītori

Ko te tangata tuatahi o Ūropi i ū mai ki Aotearoa nei ko te kaihōpara Tatimana a Abel Tasman, i te tau 1642. Ko James Cook tētahi urungi nō Ingarangi nāna ngā takutai o te whenua nei i mapi mai i te tau 1769. I te tukunga atu o Aotearoa ki Pereānia i te tau 1840, ka tatū mai te tokomaha, nō Te Hononga o Peretānia te nuinga. I ngā tau 1890, ko Aotearoa te whenua tuatahi i whakaaetia ai kia pōti ngā wāhine, me ētahi atu whakahōunga tango here. Tokomaha ōna tāngata i ngaro atu i ngā pakanga nui e rua o te ao. I ēnei rangi, kua puta a Aotearoa mai i ngā ringa o Peretānia hei whenua motuhake o Te Moananui-a-Kiwa nei, hei wāhi noho hoki mō ngā iwi maha.

Ōhanga

He ōhanga mākete tō Aotearoa. I roa te wā i ahu mai ai te nuinga o ngā moni whiwhi ā-tau mai i ngā hua pāmu, pēnei i te wūru me ngā hua miraka kau. I ēnei rangi, kua hono atu ēnei ki ētahi whakawhanaketanga hōu pēnei i te tāpoi, te hanga kiriata, me te hanga wāina. He kaha te whakawhirinaki o Aotearoa ki ngā tauhokohoko ā-ao, ina koa me Ahitereiria, Haina, Te Hononga o Amerika, me Hapani. Kua whakawāteahia ngā tauārai ki ngā haumi o tāwāhi e ngā whakahōunga ohaoha here kore mai i te tekau tau atu i 1980.

Hapori

He āhua rite te rahi o te taupori o Aotearoa ki tō Airangi, tō Hingapoa, tō Nōwei hoki. He tokomaha ake ngā tāngata e noho ana ki Te Ika-a-Māui i a rātou e noho ana ki Te Wai Pounamu, ā, ko te nuinga e noho ana ki ngā tāone. Ko Tāmaki Makaurau te tāone nui rawa, te wāhi noho hoki mō te tokomaha kua tau mai i Te Moananui-a-Kiwa me Āhia i ngā tau 50 kua hipa. E hāpai ana te kāwanatanga manapori i ngā kura, ngā whare wānanga me ngā hōhipera, nā reira kua whai matauranga, whai hauora hoki te nuinga o ngā tāngata o Aotearoa, heoi anō he pai hoki te oranga. Ko te Karaitiana te hāhi matua.

 

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+